Qëllohen me armë në mes të Vjenës, dy kosovarë që kërkonin azil

Mbrëmja e së dielës në Vjenë është tronditur nga të shtënat me armë zjarri, ku janë qëlluar dy kosovarë dhe një udhëtare rasti. Njëri ndër kosovarët, 28 vjeçari nuk ka mundur t’i shpëtojë plagëve të marra dhe pas ndërhyrjes kirurgjikale ka vdekur, ndërsa vëllai i tij, 25 vjeçar gjendet në gjendje kritike.

Autori i vrasjes është larguar nga vendi i ngjarjes, ndërsa policia vendase po punon për zbardhjen e rastit.

Të dy vëllezërit kosovarë kishin bërë kërkesë për azil në Austri, por nuk raportohet nëse e kishin fituar atë apo jo dhe para se të qëlloheshin për vdekje nuk figuronin askund me vendbanim.