Edhe pse Kuvendi i 11 dhjetorit shkarkoi Lulzim Bashën nga drejtimi i PD-së, deputetja demokrate Dhurata Çupi që deri më tani ka mbështetur kryetarin, është e mendimit se lëvizja e inicuar nga Sali Berisha nuk duhet injoruar.
Kundërpërgjigjja e Bashës që shkarkoi Berishën nga pozicionet drejtuese thelloi akoma dhe më shumë ndarjen brenda demokratëve, por Dhurata Çupi thekson se e vetmja zgjidhje është bashkimi e jo ndarja.
Sipas Çupit, krijimi i “Aleancës së qytetarit për demokraci” është një hap pozitiv që afron më shumë PD-në me qytetarët.
