Drejtori i Policisë së Shtetit, Muhamet Rrumbullaku priti në takim drejtuesin e Institucionit të Mbrojtësit Kombëtar të të Drejtave të Njeriut në Itali, Mauro Palma.
Gjatë takimit, ata diskutuan mbi rëndësinë e zgjerimit të bashkëpunimit mes dy institucioneve, me qëllim garantimin e zbatimit të të drejtave të qytetarëve shqiptarë dhe të atyre italianë, me fokus të drejtat e qytetarëve të akuzuar për vepra të ndryshme penale, atyre që janë në hetim, të miturve dhe të emigrantëve me qëndrim të parregullt, në Itali apo në Shqipëri.
Rrumbullaku i shprehu Palmas gatishmërinë e institucionit që drejton, për respektimin e të drejtave dhe lirive të njeriut, si kusht i domosdoshëm për konsolidimin e demokracisë dhe për funksionimin e institucioneve bazuar në respektimin me rigorozitet të ligjit.
