Erdogan, presion SHBA: Nëse jeni aleati ynë arrestoni dhe ekstradoni Gylen

Presidenti turk Rexhep Taip Erdogan i ka bërë presion të hapur aleatit të tij, Shteteve të Bashkuara të Amerikës. Në një fjalim të mbajtur sot në Stamboll Erdogan i kërkoi Presidentit amerikan, Barak Obama që të arrestojë dhe ekstradojë drejt Turqisë klerikun e njohur mysliman Fetullah Gylen.

Erdogan e akuzon Gylenin se qëndron prapa grushtit të shtetit. “Në qoftë se SHBA dhe Turqia janë vërtetë aleatë strategjikë, atëherë Presidenti amerikan duhet të depërtojë Gylenin”, tha Erdogan.

Presidenti turk e cilësoi Gylen si një terrorist dhe kërkoi nga SHBA të mos mbaj më brenda territorit të saj. Ndërsa për ushtarakët që ishin pjesë e grushtit të shtetit, ai tha se ata janë një tumor që do të hiqen nga trupi i ushtrisë.

Imami Gylen që predikon dialogun ndërfetar dhe ndërkulturor jeton prej gati dy dekadash në Pensilvaninë Qendrore pas largimit të detyrueshëm nga Turqia. Më shumë se 2.800 persona në radhët e ushtrisë janë arrestuar dhe arrestime të tjera priten anë e mbanë Turqisë. Deklaratat Erdogan tij u bënë gjatë një manifestimi në Stamboll përpara mijëra qytetarëve të thirrur nga partia e Erdogan.

Kërkesa e Erdogan vjen pas akuzave direkte që i janë bërë Gylen si ideator i grushtit të shtetit që dështojë. Ndërkohë, media shumë afër pushtetit të Erdogan në Turqi kanë hedhur dyshime se edhe vetë segmente të SHBA-ve mund të ketë gisht në grushtin e shtetit.

Në këtë linjë, është parë dhe një operacion i ushtrisë turke sot e cila ka ndërprerë energjinë në bazën ushtarake të NATO-së në Turqi. Baza funksionon për aleancë, por drejtimi i saj është nga SHBA-ja.