Pas botimit të emisionit KOHA JONE-DEBAT te Nikoll Lesit me kryeministrin Edi Rama në 35 vjetorin e themelimit të kësaj gazete si e lirë dhe e pavarur me 11 maj 1991, emision që kapi qindra mijëra shikues në mbarë vendin e botën shqiptare, kishte plot media që e transmetuan të plotë ose pjesë të veçanta të emisionit.

Kliko për të parë emisionin:

Ndërkohë kishte edhe komente negative nga ndonjë ish-gazetar të KOHA JONE, që gjithsesi në një ditë feste, thuhen si traditë fjalë të mira, që e quante bashkëbisedimin me kryeministrin Rama si një “servilosje”.

I pyetur nga Koha Jone, botuesi Nikoll Lesi tha: “E para ishte ditë feste dhe zgjedhja e Edi Ramës për bashkëbisedim u bë se ai ka qenë gazetar dhe analist i gazetës KOHA JONE ndër vitet 1992-1997, e aq me tepër që me 23 janar 1997 ai u godit me leva hekuri në kokë e fytyrë pikërisht për shkrimet që botonte në këtë gazete legjendare. Ndaj ishte një përzgjedhje në këtë sens. E aq me tepër që ishte përvjetor feste dhe nuk kishte se si ai të “shpartallohej” për gjëra që nuk lidheshin me festën në fjalë, e ku që në fillim e kisha anoncuar se flitet për gazetën e përballjet e saj e jo për qeverisjen e sotme të Ramës, ndonëse disa pyetje ngacmuese u bënë.

Por kur të jetë herë tjetër në KOHA JONE-DEBAT, kryeministrit do t’i bëhet skaner, bile me shumë se sa bën sot media e ish-kolegut tim!

Ndërkohë jam i detyruar të them se kur unë bëja beteja për lirinë e fjalës, për media të lira dhe për të informuar realisht për shqiptarët, ndonëse me hodhën në erë shtëpinë me tritol pikërisht falangat e pushtetit, apo kur me kërkuan arrestimin tim në parlament se flisja kundër kryeministrit, ndonjë ish-koleg bënte pasuri nga pushtetet, edhe duke shfrytëzuar emrin e mirë që kishte marrë nga KOHA JONE!

Ndaj le ta lemë me festën që iku edhe inatin ndaj gazetës KOHA JONE prej ish-kolegut pasuror të sotëm!”.

Lesi: A do e përjashtosh Elisa Spiropalin? Rama: Nuk e ka kaluar vijën e kuqe!

”Gazeta Koha Jonë ndryshoi historinë”, kryeministri Rama: Kishte rol kyç në referendumin e 1994

”Lëre të vdesë”, Rama kujton dhunën në 97: Nuk ndalonin makinat, isha mbuluar në gjak. Mjeku më tha se…

”100 mijë kopje në ditë shkoi gazeta”, Lesi: Na futën në qeli 33 gazetarë

Rama tregon episodin e panjohur me Berishën: Me gazetën Koha Jonë në dorë tha ”Këtu është ajka e trurit të vendit”