Duke lënë pas “kurorën dhe pasarelat”, bukuroshja ukrainase Anastasiia Lenna, ka vendosur të rrëmbejë armën dhe të luftojë në mbrojtje të vendit të saj, kundër pushtuesve rusë.
Lenna u kurorëzua fituese e konkursit kombëtar në moshën 24-vjeçare në vitin 2015, por tashmë duket se modelja e ka ndërruar stilin e saj të veshjes, duke iu bashkuar ushtrisë në Ukrainë.
Modelja ka reaguar edhe në rrjetet sociale ku i ka kërkuar mbështetje ndjekësve të saj nga mbarë bota, për t’i ardhur në ndihmë vendit të saj.
