35-vjetori i PS-së në Rrogozhinë, Taulant Balla: Shqipëria më afër se kurrë anëtarësimit në BE

Në aktivitetin e organizuar për 35-vjetorin e Partisë Socialiste në Rrogozhinë, drejtuesi politik i PS-së për qarkun Tiranë, Taulant Balla, vlerësoi mbështetjen që kjo zonë i ka dhënë ndër vite socialistëve, ndërsa u ndal edhe te rrugëtimi i partisë që prej zgjedhjeve të 12 qershorit 1991 dhe sfidat që e presin në procesin e integrimit europian.

“Rrogozhina bashkë me njësitë e veta përbërëse kanë qenë prej 12 qershorit 1991 zona zgjedhore në të cilat ne kemi marrë historikisht mbështetjen”, u shpreh Balla. Ai  theksoi se Partia Socialiste ndodhet në një fazë historike të drejtimit të vendit, ndërsa Shqipëria është shumë pranë realizimit të një prej objektivave më të rëndësishëm strategjikë, anëtarësimit në Bashkimin Europian.

Në këtë 35-vjetor, Partia Socialiste e Shqipërisë gjendet në një moment historik të drejtimit të vendit. Kemi arritur ta çojmë Shqipërinë shumë pranë anëtarësimit në Bashkimin Europian dhe besoj se nuk kemi qenë kurrë më afër se sot. Javët, muajt dhe dy vitet në vijim do të jenë shumë vendimtare për ta përmbyllur këtë proces”, u shpreh Balla.

Në fjalën e tij Balla vuri në dukje gjithashtu se nën drejtimin e Edi Ramës kemi triumfuar në 9 nga 10 garat elektorale. “Kemi fituar 15 nga 20 betejat elektorale në 35 vjet. Me Edi Ramën kemi fituar 9 nga 10 betejat elektorale. Meritën kryesore e kanë anëtarët e thjeshtë të partisë. Mos ta harrojmë asnjëherë: meritën kryesore e ka grushti dhe trëndafili”, u shpreh Balla.