Deputeti i Partisë Mundësia, Erald Kapri, ka denoncuar publikisht rastin e 20-vjeçarit Eldi Demirxhiu, i cili sipas tij është shoqëruar me forcë nga policia dhe është dhunuar gjatë qëndrimit në komisariat. Në një reagim, Kapri pretendon se Demirxhiu është marrë nga rreth 10 efektivë policie para syve të tij, ndërsa më pas e ka kërkuar dhe e ka gjetur pas mesnate në Komisariatin Nr. 1, me shenja të dukshme dhune në fytyrë.
Postimi i plotë
Eldi Demirxhiu është 20 vjeç dhe u rrëmbye para syve të mi nga 10 policë që e tërhoqën zvarrë. E kërkova dhe e gjeta pas mesnate në komisarian nr 1 të dhunuar, të nxirë nga grushtat në fytyrë.
Më tha që ‘krimi’ i vetëm ishte se po shëtiste pranë Lanës me një shoqen e tij.
E takova sot sërish pranë Bllokut të Sigurisë ku do e mbajnë edhe dy ditë të tjera.
Prindërit e tij nuk lëvizin nga dera e komisariatit dhe ende nuk e kanë takuar dot.