“Rama në burg, Berisha në burg”, protestuesit mesazhe të forta nga protesta

Protesta që po zhvillojet sot në kryeqytet kundër projektit të planifikuar në zonën e Zvërnecit ka vijuar me pjesëmarrje qytetarësh që shprehin kundërshtimin e tyre ndaj ndërtimit të resortit të shumëpërfolur.

Gjatë tubimit, protestuesit kanë mbajtur pankarta me mesazhe si “Shqipëria nuk është në shitje” dhe “Anulo projektin”, duke kërkuar ndalimin e menjëhershëm të nismës investuese.

Në disa prej pankartave janë shfaqur edhe slogane me karakter politik, përfshirë thirrje ndaj figurave kryesore të politikës shqiptare: “Rama në burg, Berisha në burg”.

Pjesëmarrësit në protestë kanë shprehur pakënaqësi ndaj të dy kampeve politike, duke i konsideruar përgjegjëse për situatën dhe vendimmarrjet që lidhen me projektin në Zvërnec.