Ozersk është një nga qytetet më të rëndësishme dhe të përparuara të Rusisë. Në vitet 40′, Moska vendosi që të prodhojë lëndën që i duhej për prodhimin e arsenaleve bërthamore, veçanërisht plutoni që prodhohej pikërisht në centralin bërthamor të Mayak.
Në afërsi të centralit ndodhej një liqen mesatar me emër Karachay, një vend ku punëtorët aty e përdornin për relaksim. Por në 1957, një aksident i tmerrshëm, për disa edhe më i madh se ai i Çernobilit 30 vjet më vonë mbushi liqenin me tonelata pluton dhe mbetje radiokative.
Gjatë viteve, uji radioaktiv u shpërnda në ujërat përreth, ndërkohë qe ndotja dhe thatësira zvogëluan ndjeshëm dimensionet, aq sa sot liqeni praktikisht është zhdukur. Niveli i radioaktivitetit aty cilësohet si 200 mijë herë më i madh se ai normal, aq sa do të mjaftonte më pak se një orë aty për të gjetur vdekjen.
