Bernardo Silva njeh mirë Erling Haaland dhe Cristiano Ronaldon. Portugezi i Manchester City ka dashur të flasë për shokun e ri të klubit, i cili me statistikat e tij të çmendura po i magjeps të gjithë në këtë sezon. Siç raporton GOAL, Bernardo Silva vlerësoi punën dhe mentalitetin e qendërsulmuesit norvegjez duke e krahasuar me CR7 dhe Leo Messin:
“Statistikat e golave të tij janë të pabesueshme. Ky është niveli i Cristiano Ronaldos dhe Lionel Messit. Shpresoj që Erling të mund të vazhdojë në këtë rrugë, sepse ne kemi nevojë për golat e tij deri në fund të sezonit.
Ai padyshim ka atë mentalitetin e Ronaldos, ai gjithmonë dëshiron të jetë në fushë, ai gjithmonë dëshiron të shënojë. Nuk i intereson nëse ai prek topin një ose dy herë. Haaland është një sulmues i mrekullueshëm.
Ne e dinim se çfarë ishte i aftë Erling edhe para se të vinte, sepse ai e kishte bërë këtë për disa vite: në Norvegji, Austri dhe Gjermani. Jemi të lumtur që ai është me ne në Manchester City. Këtu ka patur një mirëkuptim të veçantë me De Bruyne, i cili i adhuron këta lojtarë”, deklaroi Bernardoo Silva.
