Juventusi në këtë sezon ka qenë i angazhuar me beteja gjyqësore në Itali, të cilat u mbyllën dje me një gjobë prej 718 mijë eurosh nga Federata për çështjen e pagave.
Qeveria europiane e futbollit është një institucion i pavarur në raport me ato italiane dhe ka hapur një hetim më vete për parregullsitë me pagat. Për këtë arsye, te Juventusi kanë nisur të shqetësohen për penalitetet e mundshme që mund të kenë nga UEFA.
Nëse konfirmohen të gjitha parregullsitë, atëherë Juventusi me shumë mundësi do të përjashtohet nga kupat e Europës, të paktën për një sezon. Vendimi pritet të vijë në fund të qershorit dhe për këtë arsye, “Zonja e Vjetër” nuk do të jetë e qetë deri sa kjo histori të mbyllet përfundimisht.
