Kreu i Partisë Demokratike, Lulzim Basha, është paraqitur këtë mëngjes në Gjykatën e Posaçme.
Mësohet se Basha është thirrur për të dëshmuar pasi ka paditur për shpifje kreun e Bashkisë së Tiranës, Erion Veliaj.
GJKKO, seancën e sotme e kishte dedikuar si një seancë pajtimi mes palëve, por njoftohet se Basha ka refuzuar të ndërmarrë një hap të tillë dhe kësisoj gjyqi do të vijojë më 24 shtator.
E gjitha ka të bëjë me fushatën e zgjedhjeve të 25 prillit, ku sipas kreut të PD, Veliaj, në cilësinë e drejtuesit të fushatës të PS në Qarkun e Tiranës, ka bërë tre akuza konkrete ndaj Bashës, të cilat demokratët i konsiderojnë si shpifje.
