Deputetja e PDIU-së, Mesila Doda ka reaguar e zhgënjyer në lidhje me vendimin e Lulzim Bashës për të çuar në SPAK deputetë të PD-së, për të ky veprim është përtej çdo limiti. ”Ai që është përballë jush sot, është një si ju dhe për asnje arsye nuk mund të shqyheni në këtë mënyrë me njëri-tjetrin. Hiqni inatet e ftohni mendjen”.
Postimi i plotë
Kjo është e tepërt. PD çon në SPAK deputetë të PD, luftëtarë të vijës së parë. Kjo është e papranueshme, është tej çdo limiti. Të kishin pas kaq zell kundra Edi Rames sa kanë kundër njëri-tjetrit, sot do ishim maxhorancë. Ulni “armët” e mendoni para se të veproni.
Ai që është përballë jush sot, është një si ju dhe për asnje arsye nuk mund të shqyheni në këtë mënyrë me njëri-tjetrin. Hiqni inatet e ftohni mendjen.
Kjo nuk është PD më e fortë e më e bashkuar e askush nga ju nuk ka të drejtën të shkelmojë e mbysë sakrificat e atyre që e themeluan dhe e mbrojten.
