Milan fitoi titullin në Serie A, por pas dy vitesh kuqezinjtë nuk janë më në garë për titullin. Eliminimi nga Champions League që në fazën e grupeve dhe dalja nga gara për titull në Serie A shumë shpejt, ka bërë që stoli i Piolit të vihet në dyshim të fortë. Tashmë duhet një mrekulli që Pioli të konfirmohet në krye të “djallit” edhe sezonin e ardhshëm.
Mediat italiane janë të qarta në këtë pikë, ka vetëm dy opsione që Pioli të konfirmohet, dy objektiva për të arritur. E para dhe më kryesorja, të fitojë një trofe, i vetmi i mbetur në valle është Europa League.
Milanit i mungon një trofe evropian që në 2007, nëse Pioli arrin të sjell në Milano trofeun e Europa League mund të rris kuotat e tij për t’u konfirmuar. Në të njëjtën kohë, Milan duhet të mbyll sezonin në Serie A në vendin e dytë dhe të mos ketë një diferencë të madhe me Interit.
Vetëm nëse Pioli arrin këto dy objektiva, jo të lehta, atëherë drejtuesit e klubit do të shqyrtojnë opsionin për ta mbajtur në krye të ekipin edhe për sezonin e ri.
