Policia e Shtetit do të përfitojë ekspertizë në fushën e krimeve kibernetike nga partnerët e Japonisë. Lajmin e jep ministri i Brendshëm Taulant Balla, pas takimit me ambasadoren e re të Japonisë në Shqipëri, Kato Kikuko. Balla shprehu mirënjohjen për mbështetjen e deritanishme të Japonisë në projekte konkrete zhvillimore.
“Nënvizova nevojën për të përfituar nga eksperienca e Japonisë në forcimin e kapaciteteve profesionale të Policisë së Shtetit në fushën e krimeve kibernetike, luftën kundër lëndëve narkotike nëpërmjet trajnimeve në kuadër të Akademisë së Sigurisë”, nënvizoi ministri pas takimit.
