Biznesi i deputetit të PD-së, Agron Shehaj është bllokuar nga policia për shkak se në godina ku ishte aktiviteti është bllokuar për shkak se kishte 560 m2 pa leje. Ministria e Brendshme thotë se është bllokuar pallati pasi janë 560 m2 pa leje.
Reagimi i plotë
Me një sqarim të detyruar, por jo të dëshiruar, Ministria e Brendshme u përgjigjet akuzave të deputetit Agron Shehaj, që vijnë nga salla ku presupozohet se ai ka shkuar për të diskutuar e marrë vendime të rëndësishme për ata që e kanë votuar.
Ai sot është përpjekur të sulmojë institucionet ligjzbatuese dhe të mbrojë, paligjshmërinë e tij. Fotoja që publikoi deputeti Shehaj është dëshmi e saktë, e punonjësve të Policisë së Shtetit dhe IKMT në krye të detyrës, për bllokimin e një ndërtese subjekt i ligjit për penalizimin e ndërtimeve pa leje me qëllim fitimi.
Është pikërisht ky objekt me mbi 55% shtesë kati, ose thënë ndryshe 560 m2 pa leje, ku kompania e deputetit Shehaj ka vendosur aktivitetin. E me gjithë paligjshmërinë në flagrancë, nga shkelësi artikulohet me lehtësinë më të madhe, akuza për mbyllje biznesi të ndershëm.
