Leonardo Bonucci është për një aventurë të re në futbollin europian. Pas kontakteve të orëve të fundit, ish-lojtari i Juventusit ka arritur marrëveshjen e ndarjes me Union Berlin dhe njëkohësisht atë të bashkimit me Fenerbahçe, destinacionin e tij të radhës në karrierë.
Mbrojtësi veteran është nisur për në Stamboll në shoqërinë e agjentit të tij, Alessandro Lucci, siç dëshmohet nga një “shkrepje” e postuar në rrjetet sociale.
Bonucci do të kryejë ekzaminimet mjekësore, para nënshkrimit të kontratës së re, me operacionin që do të zyrtarizohet më pas nesër, më 11 janar, me rastin e hapjes së sesionit të merkatos në Turqi. Bonucci do të gjejë Edin Dzeko në Stamboll.
