Napoli ndjek rrugëtimin perfekt të Lazio dhe Interit në fillimin e kampionatit në Seria A. Skuadra e Spalletit mbrëmjen e sotme mori një fitore të rëndësishme 2-1 në transfertën delikate ndaj Genoas.
Fabian Ruiz zhbllokoi ndeshjen në minutën e 38-të me një goditje të bukur nga jashtë zonës që shkoi në cepin e portës. Genoa arriti që të gjente forcën për të reaguar në pjesën e dytë me Andrea Cambiaso, ndërkohë ë më parë Pandev ju anulua një gol me VAR.
6 minuta nga fundi i kohës së rregullt, Andrea Petagna shënoi me kokë duke i dhënë 3 pikë me shumë vlerë Napolit. /R.Lika-Koha Jone/
