Kryetari i Këshillit Kombëtar në PD, deputeti Edi Paloka thotë se Lulzim Bashën nuk e ndjek më, por se e sheh vetëm nëpër meme. Për të të drejtat e opozitës në vend po shkelen. Paloka nënvizon se procesi ndaj Sali Berishës është kryekëput politik.
“Qytetarët duhet të ngrihen në protesta për të drejtat e tyre dhe për një vend më të mirë për fëmijët e tyre. Në Kuvend nuk ka normalitet, sepse të drejtat e opozitës po shkelen përditë. Lulzim Bashën e shoh vetëm nëpër meme. E them realisht, nuk e them për shaka.
Njëherë në meme del mes dy golave që e shtypin. Kryetarin e PD ne e kemi, ai është Sali Berisha, që po goditet nga maxhoranca sepse është kundërshtari real i qeverisjes.
Në këto kushte, ne e duam Berishën kryetar. Procesi ndaj Berishës është politik. Në të ardhmen nuk e di çfarë do të ndodhë, mund të jem unë kryetar, mund të jetë Bardhi, mund të mos jemi në politikë, nuk di të ta them këtë”, tha Paloka.
