Në Samitin e NATO-s ndodhën shumë ngjarje. Presidenti i SHBA-së, Joe Biden i’u përgjigj pyetjeve të gazetarëve për Presidentin e Rusisë, Valdimir Putin. Ata i përsëritën pyetjen që i kishin bërë në mars nëse Vladimir Putin është vrasës dhe ai nuk iu përgjigj drejtpërdrejt pyetjes por nënqeshi duke thënë ”Vladi është një kundërshar i denjë”.
Përpara takimit në Gjenevë të Zvicrës, Biden nuk i kurseu komplimentat për homologun rus, duke e quajtur të zgjuar dhe të fortë. ”E kam pasur përballë Putinin. Është i mprehtë dhe i fortë, dhe nga sa kam arritur të zbuloj, është praktikisht një kundërshtar i denjë”, tha Biden.
Vizita tetë ditore e Biden në Europë po dëshmohet gjithmonë e më qartë si një përpjekje për t’u siguruar se Perëndimi flet me një zë të vetëm përballë Rusisë dhe Kinës.
