Partizani do të luajë në orën 19:00 sfidën e parë ndaj Baselit, të vlefshme për raundin e dytë të Conference League. Tifo-grupi “Ultras Guerrils” nëpërmjet një postimi në profilin e tyre në rrjetin social “Facebook” ka njoftuar se janë në Basel dhe bëjnë thirrje që në orën 17:00 të jenë pranë stadiumit.
“Të gjithë tifozët dhe dashamirësit e Partizanit që kanë udhëtuar për në Basel, të kontaktojnë në rast se ju nevojiten bileta ose informacion mbi procedurën e hyrjes në stadium. Prej orës 17:00 shihemi pranë stadiumit. Forca Partizani !”, shkruhet në njoftimin e “Të Kuqve”.
