Policia e Irlandës ka arrestuar mbrëmjen e së martës yllin e UFC, Conor McGregor dhe sekuestroi makinën e tij Bentley Continental GT, për drejtimin e mjetit në mënyrë të rrezikshme.
Sportisti i arteve marciale u ndalua në një autostradë në Dublin ndërsa po shkonte në palestër. 33-vjeçari është vënë tashmë nën akuzë për drejtim të mjetit në mënyrë të rrezikshme dhe brenda muajit do të dalë përpara gjykatës.
Një zëdhënës i McGregor konfirmoi ngjarjen dhe tregon se ylli i UFC nuk rezultoi i dehur pas testeve që iu bënë në stacionin e policisë.
