Policia e Elbasanit bën me dije se ka parandaluar përshkallëzimin e një konflikti në familje, ku një 29-vjeçar po ushtronte dhunë ndaj të afërmve të tij.
Efektivët shkuan menjëherë në banesën e kësaj familjeje, në lagjen “28 Nëntori”, pas marrjes së informacionit dhe bëri të mundur arrestimin e 29 vjeçarit L.Zh.
Gjatë kontrollit në banesë, policia sekuestroi dhe një sasi kokaine, e cila dyshohet se i përkiste të arrestuarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
