Bayerni po kalon një moment jo të mirë si në fushën e blertë, por edhe jashtë saj. Pas eliminimit nga Champions dhe situatës jo shumë komode në Bundesligë, për rekordmenët e Gjermanisë vijnë lajme të këqija.
Sipas asaj që shkruan “Bild”, selia e klubit dhe stadiumi janë kontrolluar nga policia bavareze për të kërkuar prova në lidhje me tentativë për pastrim parash.
Po hetohet një çështje që ka si protagonist oligarkun rus Alisher Usmanov, miliarderin që është mik me presidentin Putin, dhe dyshohet se edhe klubi bavarez është përfshirë në një skemë pastrimi parash.
