Avokati i Tahirit komenton deklaratën e Donald Lu: Gjykata duhet të veprojë mbi prova

Avokati mbrojtës i ish-ministrit të Brendshëm Saimir Tahiri ka folur pak para se në Gjykatën e Apelit të shqyrtohet masa për të.

Teksa ka komentuar deklaratat e bëra një ditë më parë nga ambasadori Donald Lu, Haxhia tha se kishte ndarë në dy pjesë deklaratën e ambasadorit.

Sipas tij ka qarqe të caktuara që duan ta shohin Tahirin prapa hekurave dhe përhapin informacionet për korruptimin apo presionin e gjyqtarëve. Ndërsa shtoi se ishte dakord me pjesën e dytë të deklaratës së ambasadorit Lu, që gjykata duhet të veprojë mbi prova dhe t’i referohet ligjit.

“Jam i interesuar të fokusohem tek pjesa e dytë e mesazhit të Lu, që gjykata të gjykojë në bazë të provave dhe ligjit. Nëse iu referohemi atyre gjykata duhet ta lërë të lirë Tahirin”.