Basha: Inkurajoj gazetarët të vijojnë me betejën kundër qeverisë

Kryetari i Partisë Demoktatike, Lulzim Basha ishte i pranishëm në ceremoninë e 28-vjetorit të gazetës Rilindja Demokratike.

Ne fjalimin e tij, Basha inkurajoi gazetarët të vijojnë të rezistojnë përkundër presioneve të pushtetit, te cilat sipas tij do të vazhdojë edhe në vitin 2019.

“Dua t’a shoh gotën gjysëm plot, dhe jo me të këqijat që i ka shkaktuar ky regjim mediave, por me të mirat, me kurajon, me qendresen dhe shpirtin europian që gazetarët kanë përballuar presionin. Jam i bindur që do vazhdojnë të përballen me pushtetin edhe këtë vit. PD do jetë në krah të tyre; për ne nuk ka asnjë vijë ndarese mes RD dhe çdo gazetari apo çdo punonjësi tjeter te medias që vijon te ushtrojë kete profesion”, është shprehur Basha.

Në ceremoni, u përmendën edhe dy amendamentet e propozuara nga Këshilli i Ministrave, të cilat sipas të ftuarve cënojnë lirinë e mediave dhe se nuk do të lejohet miratimi i tyre.