Begaj për ndarjen nga jeta të Vladimir Priftit: “Sot arti shqiptar humbi një intelektual pa kompromis”

Presidenti Bajram Begaj ka ndarë një postim mjaft të ndjerë në platformën e tij facebook, ku shpreh keqardhjen si dhe i dërgon familjarëve ngushëllime për humbjen thellë të regjisorit të mirënjohur Vladimir Prifti.

Postimi i Presidentit:

Sot arti shqiptar humbi një ndër regjisorët më të talentuar dhe Shqipëria një intelektual pa kompromis, Vladimir Priftin.

Do të mjaftonin vetëm dy vepra, ikona të filmit shqiptar, si: “Udha e shkronjave” dhe “Flutura në kabinën time” për t’u përjetësuar emri i tij në plejadën e regjisorëve më të mirë shqiptarë, por vepra e tij përmban edhe shumë realizime filmash të tjerë.

Si skulptor i imazhit, ai skaliti personazhe të pashlyer nga kujtesa e publikut.

Artist, intelektual dhe, mbi të gjitha, njeri që e donte vendin e vet, Vladimir Prifti është frymëzim për brezat e rinj të kinematografisë shqiptare.

I shpreh ngushëllimet e mia më të thella familjarëve!