Deputetët e opozitës: Të shmanget përplasja protestues-polici

Deputetët e opozitës ndodhen në zonën e ”Unazës së Re”, në krah të banorëve që po protestojnë kundër planit për prishjen e banesave dhe bizneseve të tyre.

Deputeti i PD, Klevis Balliu ka kërkuar që të shmanget përplasja protestues-polici. ”Banorët të vijojnë protestën, por të shmangin përplasjen me policët. Nuk janë policët përgjegjës për këtë situatë”, u shpreh Balliu.

Deputeti demokrat ka kërkuar gjithashtu lirimin e personave që dyshohet se janë shoqëruar në komisariatet e Tiranës. Drejtori i Policisë së Tiranës, Kastriot Skënderaj nuk ka pranuar të japë sqarime për gazetarët nëse ndonjë prej protestuesve është shoqëruar në komisariat.