Deputeti i PD, mesazh të përmbyturve: Mos prisni kompensim nga Rama

Deputeti i Partisë Demokratike në Qarkun e Vlorës, Agron Shehaj, akuzoi kryeministrin Edi Rama se nuk ka mbajtur premtimin në lidhje me dëmshpërblimet pas përmbytjeve të dimrit të vitit 2015.
Shehaj riktheu në vëmendje se qindra banorë të dëmtuar dy vite më parë nuk janë kompensuar ende, ndaj shtoi se kompensimi që premton për dëmtimet e këtyre ditëve është vetëm shfaqje e Ramës.

“Këta banorë të përmbytur në 2015 u mashtruan dhe akoma po presin kompensimin e premtuar nga Rama. Sot Rama bën shfaqjen e radhës dhe iu premton kompensim për 2017. #ramaperoscar”, shkruan deputeti Shehaj në ‘FB’.