Edi Rama: Luli është artist!

Kryeministri Edi Rama ka replikuar deri edhe me ironi, me thumba, me vargje poetike për të disatën herë me kreun e PD, Lulzim Bashën në Kuvend, sidomos për 3 inceneratorët 400 milionë euro, për të cilat Basha e akuzoi.

“Tani e kuptuat se Luli është artist?! – tha Rama, pasi Basha ia përllogariti shumën e tre inceneratorëve jo 400 milionë euro fiks, por 385 dollarë. Këtu e gjeti rastin Rama për ta ironizuar shefin e opozitës.

“Artist! Ju kujtuat se unë tallesha, – tha Kryeministri. – Sy për sy! Me shifra në dorë dhe është artist. Unë i them “e jap dorëheqjen”, ai thotë “jo po ti s’e jep”. Ore “ti e jep?” “Jo po ti s’e jep! Se është artist! Çfar/ t’i thuash!  Nuk është për t’i thënë asgjë, se të kujton atë vargun: “Si t’ia them, t’ia the prapë shoqes Bule që po llap”. Se sido t’ia thuash, shoqja Bule prapë do llapë!

Unë nuk thashë se jam oratori më i mirë! Unë nuk thashë se jam orator i mirë, por nxënës që mësoj në shkolën e Faikut dhe të Nolit. Por e përsëris këto “horr, kriminel” kurrë s’i kam thënë, por nëse ndonjëherë kur fjalë e kam thënë aty me vete kur shpirti më ka dalë e kamerat e kanë nxjerrë në ballë të kazanit, epo….këtu është për t’u parë pse shpirti ka dashur të më dalë, jo se kam dahsur t’u bëj ndonjë të keqe!

“Ka kompleksin e humbësit” thotë, ky vetëm ka fituar gjithmonë! Ky që vetëm fiton me lodrën që i kanë dhënë në dorë! dhe të kujton atë që thoshte “Kam një tren çuf-çuf-çuf, shkoj përpara, hajdeni mbrapa!”

Ku të vijnë këta të shkretë mbrapa? Ti çuf-çuf-çuf me trenin në dorë, treni nuk shkon asgjëkundi, shinat kanë ikur dhe vjen këtu e thua keni ju kompleksin e humbësit!

“E kuptoni ku jeni katandisur” thotë ai. E patë të gjithë se shifrat e shkrehura në ajër nga dritaret e trenit që bën çuf çuf çuf…Ta mbani, ta keni dhe mos hajdeni këtu të mo thoni pse ka këtu ilaritet! E mori fjalën tre herë kryetari i PD, dëgjuat ndonjë fjalë këtu për amendamentet e PD?! Unë i refuzova në mënyrën time, por ai çfarë tha?!”