Gazetari grek: Një minutë turp në parlament për një “vrasës” si Kacifas
Vendimi i djeshëm i dhomës së ulët të parlamentit grek për të mbajtur një minutë heshtje për vdekjen e Kostandino Kacifas, shqiptarit me kombësi greke që u vra në një përballje me policinë, ka sjellë reagime në opinionin publik grek.
Gazetari grek, Petros Katsakos në një artikull të botuar sot në gazetën “Avgi” e cilëson atë që ndodhi dje në dhomën e ulët të parlamentit grek si një minutë turpi.
Gazetari shkruan se ajo çfarë ndodhi dje ishte një minutë turpi që Agimi i Artë (partia naziste greke) të marrë disa vota më shumë.
Në shkrimin e tij, Petros Katsakos dënon veprimet e Kacifas duke e cilësuar si një person që qëlloi me arë jo thjeshtë ndaj policisë shqiptare, por ndaj marrëdhënieve paqësore mes minoriteti grek dhe shqiptarëve.
“Një minutë është pak për të larë turpin e disa idiotëve të Agimit të Artë që mendojnë me qëndrimet e tyre mund të marrin votat e votuesve. Një minutë turpi për një minutë heshtje kërkoi deputeti Nikitas Kaklamanis për vdekjen e Kacifas, i cili me një armë në dorë u përpoq të godasë marrëdhëniet grekëve dhe shqiptarëve të cilët jetojnë në paqe me njëri-tjetrin”,- shkruan ndër të tjera gazetari Petros Katsakos.
Katsakos në shkrimin e tij kërkon të mbahet një minutë turpi për Agimin e Artë, për deputetët që u ngritën në këmbë në seancë për atë që ai e quan “vrasësi” Kacifas.
Artikullin në greqisht mund ta lexoni këtu:
KOHA JONË SONDAZH
