Gjosha: Rama, show ekselent me studentët e ekselencës

Deputetja e LSI-së, Klajda Gjosha takimin e kreut të qeverisë Edi Rama me studentët e ekselencës, e ka cilësuar si show-un e rradhës ekselent. Në një postim në rrjetin social, ish-ministrja e Integrimit, shton se në vend që të dëgjonte zërin e studentëve, edhe këtë herë qytetarët dëgjuam vetëm kryeministrin. Deputetja shton pyetjen nëse Rama ka frikë nga realiteti?

Statusi i Klajda Gjoshës

Në një takim me ta, gjithkush nga ne do kish dashur të dëgjonte zërin e tyre, të vërtetën e tyre. Por jo, edhe këtë rradhë dëgjuam vetëm Kryeministrin. Kjo e ka një arsye, frika nga realiteti! A i pyetët studentët Z. Kryeministër se përse të gjithë kërkojnë të largohen nga Shqipëria? A i pyetët se si prindërit e tyre sakrifikojnë çdo gjë për t’i arsimuar ata? A i pyetët se sa të neveritur janë nga tepsia juaj që kurrë nuk krijoi asnjë mundësi për ta? A i pyetët se çfarë mendojnë ata për situatën e përfshirjes së krimit në politikë që po vret çdo ditë shpresën e tyre? Normal që nuk i pyetët sepse ju intereson më shumë shfrytëzimi i figurës tyre të pastër ulur pranë jush! Por sot nuk ka asgjë që shlyen borxhin e madh që ju i keni të rinjve ”Shqipërinë Normale” ku ata duan të jetojnë!