Incident te “Vasil Shanto”, makina çan turmën e studentëve

Një incident është shënuar sot në ditën e parë të protestës së studentëve për këtë vit, teksa të rinjtë po marshonin drejt qendrës së Tiranës.

Një makinë ka tentuar të çajë turmën e studentëve, të cilët po marshonin në kryqëzimin e ‘Vasil Shantos’, për shkak se sipas drejtuesit të mjetit kishte një urgjencë dhe duhej të kalonte turmën.

Sipas gazetares së ‘News 24’, Dorjana Bezat, një prej studentëve është lënduar në këmbë, teksa makina ka insistuar të kalojë turmën.

Ky fakt ka shkatuar irritimin e studentëve, por zgjati vetëm disa minuta, pasi ndërhyri policia dhe makina vijoi rrugën.

Kujtojmë se protesta e studentëve është e ndarë në dy grupe, njëri para kryeministrisë dhe tjetri para Politeknikut.

Lexoni edhe:

• Studentët mblidhen para kryeministrisë: Anulloni Ligjin e Arsimit të Lartë!
• Auditorët bosh, vijon bojkoti i mësimit
• Studentët gozhdojnë dyert e fakulteteve, protesta nuk ndalet
• Protesta e studentëve, në Korçë bojkotohet mësimi
• Studentët janë kërcënuar me telefonata anonime
• Kërcënohen pedagogët, shefja e departamentit u dërgon SMS
• Organizimi i veçantë i studentëve. Ftesa në çdo shtëpi për protestën
• Pas studentëve edhe naftëtarët në rrugë
• Frika nga studentët, dhjetëra policë rrethojnë Kryeministrinë