Kryemadhi, takim me shqiptarët në Itali

Kryetarja e LSI-së, Monika Kryemadhi, e cila ndodhet në Itali, do të zhvillojë një takim pasditen e sotme me emigrantët shqiptarë që punojnë në Bolzano.

Kryemadhi ka njoftuar në Facebook se “sot do të jem në Bolzano në një takim me shqiptarët, vëllezër dhe motra, që jetojnë dhe punojnë në Itali.”

Kryemadhi e ka ndërmarrë këtë takim për të sensibilizuar më shumë qytetarët shqiptarë jashtë vendit për krizën e gjithanshme që po kalon vendi dhe aksionin e fuqishëm që ka ndërmarrë opozita për të larguar nga detyra kryeministrin Edi Rama.