Kryemadhi takim në Njësinë 4: Korrupsioni ka ndikim te xhepat e qytetarëve!

Kryetarja e LSI, Monika Kryemadhi, ka zhvilluar një takim me banorët  e njësisë 4 në Tiranë. Në fjalën e saj, Kryemadhi është ndalur te problematikat që kanë qytetarët në këtë zonë.

“Iu ka dhënë një faturë mbrapa që iu ka dhënë faturën gjigande të hapjes së gropave që gjithë bizneset e ndërtimit ankohen. Se nëse nuk e paguajnë kesh në dorë që tu çojnë paratë, përveç parave që iu ka dhënë nga shqiptarët që nga buxheti i qytetarëve të Tiranës paguan për landfillin për inceneratorin e famshëm, tani dhe gjithë kompanitë e ndërtimit, gropat që hapen, duhet ta çojnë dheun atje që të paguajnë lekë dhe përsëri kur t’iu duhet dhe, Bashkia e Tiranës shkon e blen dheun, po prapë me paratë e qytetarëve tanë për të bërë gjasme lulishte.

Pra një korrupsion i jashtëzakonshëm i cili e ka impaktin drejtpërdrejt të xhepat e qytetarëve. Mjafton ti pyesësh qytetarët sot a paguajnë taksa në Tiranë më shumë se c’paguanin 4 vite më parë. A paguajnë qytetarët e Tiranës sot energjinë elektrike, taksë pastrimi, taksë gjelbërimi, taksë rruge, taksë shkolle,taksë ndriçimi, të gjitha i paguajnë më shumë se ca i paguanin 4 vite më parë”, deklaroi  Kryemadhi.