Kryeministri, banores në Ndroq: Demin do e sjellim për lopën e jo për ty!

Kryeministri Edi Rama, në shoqërinë e kryebashkiakut Erion Veliaj dhe ministrit të Rindërtimit Arben Ahmetaj, inspektuan këtë të hënë punimet në “Lagjen e Re” në Ndroq.  Gjatë inspektimit Kryeministri u takua dhe me një banore, e cila siç tha kishte disa orë që e priste. Ajo shprehu falenderimin ndaj qeverisë për investimet e bëra, si dhe tregoi të gjithë pakënaqësitë që kishte.

Por gjatë bisedës Rama e lëshoi gjuhën me gruan duke rrëshqitur në seksizëm teksa i tha gruas se demin do e sjellim për lopën, jo për ty.

Një fjalor aspak i denjë për një kryeministër, ndërkohë që banorja ishte grua e edukuar dhe iu drejtua me mirësjellje.

Biseda e regjistruar:

Edi Rama: Duhet të sjellin dhe një lopë tjetër, ose dem.

Banorja: Nuk e dua dem.

Edi Rama: Për lopën, jo për ty!