Kushtetuesja shqyrton padinë e PR për Komitetin Teknik, Mediu: Rama tenton të krijojë karantinë për opozitën

Gjykata Kushtetuese shqyrton sot padinë e Partisë Republikane për Komitetin Teknik të Ekspertëve.

Në një prononcim për mediat, kreu i PR-së, Fatmir Mediu tha se po veprohet me dy standarde dhe se masat kufizojnë opozitën të kryejë veprimtarinë e saj. Sipas tij, Rama tenton që të krijojë karantinë për opozitën.

“Veprimtaritë e Edi Ramës tentojnë që të krijojnë karantinë për opozitën. Në një kohë që i ka lejuar vetes dhe përmes vlerësimeve të komitetit, që Parlamenti të mblidhet, qeveria apo dhe pushteti lokal të bëjë aktivitete mbi 10 veta dhe kufizon opozitën. Kjo është situatë e papranueshme, anti-ligjore. Nuk mund të ketë dy standarde për partitë politike apo dhe qytetarët.

Nuk mund të trajtohet ndryshe kryeministri, apo qytetari. Të gjithë jemi njerëz përballë të njëjtin rrezik. Duket qartë se nuk kemi më as ligje, as qeveri, por një qeveri të korruptuar, që përpiqet që të thyejë rregullat. Jemi për të respektuar çdo rregull, por që imponohen në mënyrë të barabartë tek të gjithë”, -tha Mediu.