Mesazhi i pedagogut: Rektorët e dekanët, presione ndaj studentëve

Studentët kanë paralajmëruar se duke filluar nga e hëna do të nisin protestat masive për shfuqizimin e ligjit të Arsimit të Lartë.

Vendosmëria e tyre duket se nuk po pritet mirë nga segmente të mazhorancës, të cilët përmes rektorëve dhe dekanëve po u bëjnë presion pedagogëve të zhvillojnë leksione.

Denoncimi është bërë nga aktivisti Klajdi Bello, të cilit një pedagog i shkruan: “Klajdi nuk njihemi. Por ke simpatinë e plote timen,si pedagog. Kam informacione se rektoret e dekanët po u bëjnë presion pedagogeve te bëjnë presion qe te hënën studentet te futen ne leksione”.