Meta thirrje partive politike: Publikoni sa më parë emrat e kandidatëve për zgjedhjet

Presidenti Ilir Meta u ka drejtuar një thirrje partive politike, lidhur me listat e kandidatëve për deputetë.

Në një intervistë për emisionin “Faktor” në RTSH Korça, për gazetaren Dhorjela Çule, Meta thotë se qytetarët kanë nevojë të njohin kandidatët, kanë nevojë të bëjnë diferencat midis tyre.

“Kjo është çështje e partive. Për vlerësimin tim, sa më parë aq më mirë. Qytetarët kanë nevojë të njohin kandidatët, kanë nevojë të bëjnë diferencat midis tyre, apo t’i dëgjojnë idetë e tyre dhe alternativat që ata japin. Megjithatë përsëri ka afate dhe përderisa ato janë brenda afateve, janë në të drejtën e tyre të zgjedhin momentin e duhur”, tha presidenti.