“Minë me sahat”, Tedi Blushi tallet me deputeten e PS

Tedi Blushi, zëdhënës i Presidentit të Republikës ka reaguar ndaj deklaratave që ka bërë sot deputetja e PS, Ermonela Felaj në “Top Channel”.

Në një reagim në Facebook, Tedi Blushi shkruan se “mungesa e vendosmërisë së hekurt revolucionare që shfaqi sot deputetja Ermonela Felaj, duke lënë një fije dyshimi që Presidenti i Republikës edhe mund të mos arrestohet, është një minë me sahat për “fitorjen” përfundimtare të Reformës në Drejtësi!”.

Në Top Channel, deputetja Felaj komentoi përplasjet mes Presidentit dhe mazhorancës. E pyetur se nga shkelja e Kushtetutës që pretendon PS, a mund të pasohet me arrestimin e Presidentit Meta, Ermonela Felaj u përgjigj: “Jo domosdoshmërisht. Varet nga rasti që do të marrin në shqyrtim. Komisioni Hetimor do të raportojë nëse këto shkelje janë ose jo çështje penale”.