Mogherini: 2018, vit vendimtar për Ballkanin në rrugën drejt BE

Shefja e Politikës së Jashtme të Bashkimit Europian, Federica Mogherini, e ka cilësuar 2018 një vit vendimtar për të gjithë rajonin e Ballkanit Perëndimor në rrugën e tij për integrimin në Bashkimin Europian.

Përmes një postimi në fb, Mogherini ka publikuar një foto me zyrtarë të lartë të Shqipërisë, Maqedonisë, Kosovës dhe Serbisë, ku shprehet se “ditët e fundit kanë qenë të përkushtuara për të punuar me partnerët tanë në Ballkan”.

Takimin e fundit Mogherini e pati me kryeministrin e Kosovës Haradinaj, ku ky i fundit kërkoi edhe njëherë nga Brukseli të liberalizojë vizat për Kosovën.