Monika Kryemadhi: Edi Rama po përlan drejtësinë

Bashkëbisedimi me gazetarët i Kryetares së Lëvizjes Socialiste për Integrim Monika Kryemadhi.

Faleminderit për përgjigjen pozitive nga mediat. Me thënë të drejtën ndonjëherë na duket vetja të privilegjuar në prezencën tuaj duke pasur parasysh situatën në të cilën gjendemi. Prezantimi sa më dinjitoz dhe sa më real i situatës vjen për shkak të angazhimit tuaj profesional dhe përfitoj nga rasti për t’ju falenderuar edhe për këtë bashkëbisedim të sotshëm. Në fakt ky është komunikimi im i parë që bëj me gazetarët si Kryetare e LSI-së. Do ta kthejmë dhe do ta bëjmë më të përhershëm, më periodik për shkak të bashkëbisedimit dhe për shkak edhe të komunikimit me qytetarët. Unë sapo jam kthyer nga një vizitë disa ditore në SHBA, ishte vizita ime e parë si kryetare e LSI. Ishte një vizitë me një intensitet jashtëzakonisht të lartë, e cila kishte si lajmotiv  të saj, “More America in Albania”, gjë për të cilën Shqipëria ka nevojë për më shumë biznes amerikan dhe ekonominë amerikane për të qenë prezent në Shqipëri. Duke pasur parasysh periudhën në të cilën po kalon situata ekonomia. Sigurisht që patëm disa takime shumë të mira në Departamentin e Tregtisë, përsa i përket dhe për të arritur disa marrëveshje midis qeverisë shqiptare që duhen bërë dhe SHBA përsa i përket sigurisë ekonomike dhe sigurisë së licensimit të industrisë shqiptare, ashtu sikurse edhe për të zhvilluar më tej bashkëveprimin ekonomik me Departamentin e Tregtisë për zhvillimin jo vetëm të bujqësisë, por edhe në zhvillime dhe bashkëpunime të tjera ekonomike, përsa i përket inovacionit dhe shumë hapësirave të tjera. Ashtu sikurse dhe me universitetin George Washington që patëm bashkëbisedim për të pasur një bashkëpunim dhe bashkëveprim me universitetet e Tiranës sidomos në fushën e inovacionit, jë që e bën shumë të rëndësishme. Patëm dhe një takim në departamentin e luftës kundër drogës ku theksi u vendos në situatën alarmante që ka të bëjë me trafikimin dhe prodhimin e lëndëve narkotike në Shqipëri dhe rrezikshmërinë e krijimit të strukturave të organizuara kriminale të forta transnacionale tashmë, jo vetëm brenda kufijve të shtetit shqiptar, por duke dalë dhe më tutje. Të gjitha këto na bënë një ekspoze të situatës në të cilën gjendemi ne dhe si shikohet Shqipëria në sytë e SHBA. Ndjenim një dashuri të SHBA dhe ndjenim dhe një vëmendje që ata kishin ndaj zhvillimeve në Shqipëri. Qoftë për zbatimin me përpikëmëri të reformës në drejtësi. Qoftë edhe për miratimin e ligjit dhe funksionimin e institucioneve shtetërore dhe luftën kundër krimit të organizuar dhe trafikut të drogës. Jam e hapur për të vazhduar me pyetje dhe me bashkëbisedimin me ju.

Znj.Kryemadhi përsa i përket zgjedhjes së Prokurorit të Përgjithshëm, ka nisur procedura tashmë sot do jetë dhe një seancë dëgjimore me kandidatët për postin e prokurorit të përgjithshëm të përkohshëm. A ndani të njëjtin mendim me Zv.kryetarin e LSI, Luan Rama i cili ka sulmuar faktorin ndërkombëtar, ambasadorët këtu në Shqipëri për këtë çështje?

Dua të them që ambasadorët e huaj që janë në Shqipëri, prezantojnë dhe përfaqësojnë shtetet e tyre. Ambasadorët në Shqipëri janë të detyruar të bashkëpunojnë me qeverinë shqiptare, por sigurisht që bashkëpunojnë dhe me opozitën për shkak të vazhdimësive dhe marrëdhënieve që ka midis shteteve. Por dua të theksoj që unë jam e bindur që asnjë ambasador nuk ka kërkuar shkeljen e Kushtetutës apo shkeljen e ligjit shqiptar. Sigurisht që argumentime politike mund të bëjmë secili por edhe interpretime politike. Unë dua të them që ndonjëherë fobia që kemi ne si klasë politike ndaj ambasadoreve qoftë për mirë qoftë për keq, na bën që problemet që kemi ne vetë si klasë politike t’i kalojmë te ambasadorët. Nuk janë ata problemi i Shqipërisë, jemi ne klasa politike që kërkojmë të involvojmë ambasadorët në problemet tona politike, gjë që të cilën e bën në njëfarë mënyre të pa precedent rastin siç ndodh aktualisht për momentin në Shqipëri.

Znj. Kryemadhi, a mendoni ju si z.Basha se Adriatik Llalla do të qëndrojë në detyrë deri në krijimin e Këshillit të Lartë të Prokurorisë për të zgjedhur një prokuror me mandate të plotë 7-vjeçar dhe a do të jetë LSI sot e përfaqësuar në Komisionin e Ligjeve në seancën dëgjimore me kandidatët?

Komisioni i sotëm i ligjeve që bën seancën dëgjimore është totalisht i paligjshëm, nuk e dimë me ça targeti e bën takimin. Komisioni i ligjeve nuk është Këshilli i Lartë i Prokurorisë. Dëgjesat me kandidatët për Prokuror të Përgjithshëm i bën Këshillit i Lartë i Prokurorisë. Komisioni i Ligjeve është një komision i cili shqyrton ligjet, i përgatit për në seancat plenare dhe deri këtu. Kompetencat e këtij komisioni janë të shkruara në Kushtetutë, në rregulloren e Parlamentit. Ndërsa zgjedhjen e prokurorit, dëgjesat me kandidatët për prokuror  janë të shkruara në Kushtetutë, e cila është e votuar me 140 vota si asnjëherë tjetër. Një vit e gjysmë më parë, janë të shkruara të qarta që dëgjesat për prokuror I bënë Këshilli i Lartë i Prokurorisë. Pse nuk është ngritur Këshilli i Lartë i Prokurorisë? Kjo është një pyetje tjetër dhe kush është fajtori për mosngritjen e KLP? KLP duhet të ishte ngritur që në muajin shkurt-mars, pra deri në periudhën e fund prillit. Dhe Këshilli i Lartë Gjyqësor. Duhet të ishin ngritur. Nuk janë ngritur kjo jo për faj të opozitës, as për faj të LSI, por për faj të një shoqërie civile, të cilën ne e kemi vendosur në Kushtetutë që duhet të kenë përfaqësuesin e tyre. E them këtë për shkak të asaj, besoj të gjithë e mbani mend protestën që bëri shoqëria civile para parlamentit kur kërkonte reformë në drejtësi dhe tashmë që gjithë klasa politike është gati për reformën në drejtësi, gjithë opinion publik mezi po pret reformën në drejtësi, shoqëria civile e cila ka qenë dhe një nga hartuesit kryesor të Reformës në Drejtësi bashkë me partnerët ndërkombëtarë. Kanë qenë ata të cilët kanë shkruar, kanë përkthyer, kanë organizuar tryezat, kanë organizuar debatet, janë ata të cilët nuk japin kandidatin e fundit përsa i përket Këshillit të Lartë të Prokurorisë. Kjo është absurde, unë mendoj që këtu ka vetëm një qëllim, mosngritja e këtij Këshilli të Prokurorisë, dështimi i zgjedhjes së Prokurorit të Përgjithshëm. Por nuk është thjesht problem zgjedhja e Prokurorit, sesa është krijimi i mundësisë së rrëmbimit të prokurorit të përgjithshëm dhe largimin ose mos hartimin e asnjëhershëm, përsa i përket çështjes së SPAKU-t dhe të Byrosë së Hetimit. Këto janë dy elemente të cilat ngrenë dyshimet jashtëzakonisht të mëdha për mosfunksionimin e Reformës në Drejtësi. Në qoftë se ne sot do të zgjedhim një Prokuror të përkohshëm të cilën nuk e kemi në asnjë vend në Kushtetutë, as në nenet tranzitore, zgjedhjen e një prokurori të përkohshëm. Por nëse ne zgjedhim një prokuror të përkohshëm sipas mënyrës që ka zgjedhur PS me komisionin e ligjeve, sa do të zgjas ky prokuror, sa mendoni ju që duhet të rri? Dy muaj, tre muaj? Përderisa shoqëria civile nuk është e aftë për të paraqitur kandidatin e saj në Këshillin e Lartë të Prokurorisë, ky mund të rri dhe 10 vjet, se nuk do ketë shoqëria civile kandidat tjetër. Nuk do ngrihet KLP, nuk do ngrihet SPAK-u, as Byroja e Hetimit. Pra ne do zgjedhim një prokuror të përkohshëm i cili do të krijojë një perceptim për të kapur institucionin e Prokurorisë së Përgjithshme dhe për të thënë që unë dosjen e Saimir Tahirit do ta mbyll, unë dosjet e shumë ministrave të cilët kanë vite që flenë në zyrat e prokurorisë që janë dhe ministra aktualë, por dhe ish-ministra që flenë në zyrat e prokurorisë dhe nuk janë hapur. Ashtu siç e dimë shumë mirë që rastet nga më të ndryshmet kanë bërë që prokurorët edhe pse kanë pasur dëshirën apo vullnetin për të hapur çështje janë shkatërruar  provat në mënyrë të njëanshme, vetëm e vetëm për të mos arritur dhe për të mos pasur një luftë kundër korrupsionit. Megjithatë kjo ngelet thjesht në një mendim tonin. Por për mua është shumë e qartë që mos ngritja e Këshillit të Lartë të Prokurorisë, është një skenar i qëllimshëm për të vetmen arsye për të kapur si proces këtë institucion. Pra për të rrëmbyer institucionin e Prokurorit të Përgjithshëm. Ne si LSI jemi shumë të gatshëm dhe të hapur për të rifilluar diskutimin. 19 votat tona janë të gatshme për të ndryshuar ligjin për prokurorin, pra përsa I përket KLP. Le ta përjashtojmë po themi ta largojmë shoqërinë civile se ka ngel vetëm kandidat I shoqërisë civile për të mos qenë pjesë e KLP. Kur të jenë gati shoqëria civile për të qenë pjesë e reformës e rifusim përsëri në Kushtetutë sepse  të gjithë jemi dakord me këtë gjë, por ne nuk mund të rrimë të presim shoqërinë civile në Shqipëri e cila kontrollohet totalisht nga kryeministri Rama, qoftë nga ana financiare, qoftë nga ana politike, qoftë edhe nga ana ideologjike. Nuk mund të rrimë të presim këtë shoqëri civile deri sa ajo të jetë e gatshme për të na propozuar një kandidat për të mbyllur Këshilli i Lartë I Prokurorisë. Kandidatët për KLP, nga vetë prokuroria janë gati, bota akademike i ka nxjerrë kandidaturat e saj, kanë kaluar dhe në komisionin e verifikimit kam përshtypjen. Po kështu dhe Dhoma e Avokatisë i ka nxjerrë dhe i ka zgjedh përfaqësuesit e saj , qoftë për këshillin e lartë të prokurorisë qoftë për Këshillin e Lartë Gjyqësor. Atëherë pse mos të ecim para, ne nuk mund të ngelemi peng I shoqërisë civile për të mos ngritur këto institucione që janë jetike. Mos të harrojmë që kemi 4 vjet që u thërrasim shqiptarëve nga mëngjesi deri në darkë për një drejtësi të munguar. Drejtësia e munguar doli që nuk ishte në dorën e politikës, se politika i dha 140 votat e saj në Kuvend. Politika është e gatshme për të vazhduar dhe për të ndjekur hap pas hapi gjithë procesin e zgjedhjes, qoftë të KLP, qoftë të KLD por po shikojmë që i vetmi segment që pengon zgjedhjen e prokurorit të përgjithshëm është shoqëria civile. Atëherë në jemi të gatshëm të bëjmë rishikim të Kushtetutës. Nesër ditë e enjte është, ulemi përnjëherë siç kemi bërë kompromise për gjëra të tjera, hajde ti bëjmë kompromiset në institucione në prezencë të institucioneve por edhe në prezencë të transparencës dhe mediave. Sepse vetëm kjo mund të bëjë që ne të ecim më përpara.

Znj. Kryemadhi sepse përmendët pjesën e shoqërisë civile, dje pikërisht ka patur një deklaratë nga ata. Sipas tyre kanë bërë thirrje, kanë ardhur aplikantët por një nga argumentet më kryesor të tyre ishte sepse askush nga ato, nuk kishte kriterin 15 vjet, të kishte punuar në fushën përkatëse. Ju do ta keni në ndryshimet që këerkoni ti bëhen Kushtetutës, sepse ato kishin kriter themeltar 15 vjet punë.

Kushtetutën nuk e hartuam ne, por shoqëria civile, vetë e kanë vendosur një kusht të tillë. Ky është një mashtrim që i bëhet opinionit publik, për të justifikuar mbajtjen peng të reformës në drejtësi sepse të jeni të bindur jo vetëm për opinionin publik,  por edhe për opinionin ndërkombëtar, njeriu që urren më shumë nga të gjithë reformën në drejtësi është Edi Rama. Dhe jo pa qëllim  ky segment i shoqërisë civile që dihet botërisht që kontrollohet 100% nga klani i z.Rama. Është mëse e qartë. Mos vazhdimi I Reformës në Drejtësi vjen si rezultat I mosfunksionimit të shoqërisë civile. Por ne nuk do presim 15 vjet derisa shoqëria civile të gjej një kandidat. Për 15 vjet ne mos të kemi Prokuror të Përgjithshëm. Mos të kemi gjykatat, mos të kemi prokurori, të ngelet peng. Shqiptarët mezi po presin luftën kundër korrupsionit. Kemi katër vjet që i kemi frymëzuar shqiptarët luftë kundër korrupsionit, hajde të vazhdojmë ti ngremë segmentet që bëjnë luftën e vërtet. Unë jam e bindur që edhe PD edhe PS, vetë deputetët e PS, do jenë të gatshëm për ta rishikuar. Nëse shoqëria civile nuk është e gatshme për të pasur kandidaturën e saj hajde të ndryshojmë ligjin, të gjejmë një zgjidhje tjetër e cila hap rrugën ngritjes së KLP, ngritjes së SPAKU-t dhe Byrosë së Hetimit. Janë tre gjëra shumë të rëndësishme të cilat vendosin në shinat e zbatimit te ligjit gjithë institucionet shtetërore. Nëse ne do të kemi një prokurori e cila është në ajër, nëse do të kemi në sistem gjyqësor i cili nuk ka kontroll mbi kokë të jeni të bindur që sistemi i drejtësisë do të bëhet më keq se çka qenë deri më sot.

Ju keni filluar të bëni një draft, sepse folët që jeni të gatshëm për ndryshimet kushtetuese…

Për çfarë është drafti, drafti është hiq pikën ku është përfaqësimi, kur të jetë e gatshme, vendos një klauzolë, se unë nuk jam juriste. Një klauzolë që kur të jetë e gatshme shoqëria civile, parlamenti është i detyruar të rimblidhet dhe ta rifus përsëri në Kushtetutë. Ne kemi ndryshuar 65 % të Kushtetutës, u bë qameti se hoqëm një pikë për të zhbllokuar që të ecim më përpara me reformën. Tani është problemi për të hyrë një individ nga shoqëria civile në KLP apo është problem për të ngritur SPAKU-n dhe Byronë e Hetimit? Unë nuk e di besoj se këto janë dy gjëra shumë të thjeshta. Midis një përfaqësuesi për ti dhënë një rrogë, apo për ti dhënë një post një përfaqësuesi të shoqërisë civile midis gjithë kësaj emergjence të madhe që kërkon shoqëria shqiptare, kërkojnë BE, kërkojnë SHBA ,zbatimin dhe ecjen përpara të reformës në Drejtësi, për ngritjen e institucioneve të reformës në drejtësi dhe për ngritjen e dy gjërave më të rëndësishme që janë SPAKU, pra prokurori I posaçëm për luftën kundra korrupsionit dhe Byroja e Hetimit që janë shumë më të rëndësishme.

Megjithatë duket sikur procesi për zgjedhjen e Prokurorit të Përkohshëm do të vazhdojë dhe ju e cilësuat si të rrezikshëm, si në ajër prokurorinë. Keni një plan sesi do të veproni?

Unë them që është shumë e qartë, nëse dhe ambasadori Lu po të kemi parasysh e bëri shumë të qartë dje kur tha që zbatimi i Kushtetutës është shumë i rëndësishëm. Dhe unë nuk mendoj që PS të ketë lajthitur kaq shumë saqë të shkeli me të dyja këmbët Kushtetutën e Shqipërisë të cilën ne e kemi miratuar me një konsensus maksimal siç nuk është miratuar asnjë ligj në Shqipëri. Pra me 140 vota dhe një Kushtetutë për të cilën është lobuar në mënyrë të jashtëzakonshme jo vetëm nga partitë politike, por edhe nga institucionet ndërkombëtare. Nëse PS  do të rrëmbejë Prokurorin e Përgjithshëm, pastaj ajo duhet të përgatitet për përballjen e saj me të gjitha mënyrat, qofshin ato ligjore  por mos të harrojmë dhe një rast tjetër duke pasur parasysh dhe nga fjala e Ambasadorit Lu dje, sepse unë jam e bindur që nuk ka shqiptar që të mos ketë pasur problem me sistemin e drejtësisë. Ashtu siç tha z.Lu për atë zonjën së cilës bashkëshorti i saj i dhunshëm i kishte rrëmbyer fëmijën, kjo histori nuk do të jetë më thjesht për atë zonjë, por do të jetë për të gjithë shqiptarët. Pra mungesa e besimit te sistemi i drejtësisë do të vijë duke u rritur. Pse? Kur ne klasa politike në mënyrë flagrante, hapur në kundërshtim me çdo gjë, shkelim Kushtetutën ditën me diell, mendoni se çfarë mund të bëjnë prokurorët dhe gjyqtarët netët e errëta apo zyrave të mbyllura pa prezencën e mediave, pa prezencën e askujt dhe se si mund të torturohen dhe rraskapiten shqiptarët në dyert e gjykatave apo të prokurorive. Është absurde të mendosh që zgjedhja e kryeprokurorit me 36 vota, kur ti në parlament ke 140 vota, është kapje e shtetit nga kamikazë të krimit të organizuar. Dua të falenderoj z.Lu për të gjithë angazhimin e tij për të gjithë nxitjen që I bën klasës politike shqiptare për të zgjedhur institucionet legjitime të ngritjes së Këshillit të Lartë të Prokurorisë dhe Këshillit të Lartë të Gjyqësorit, sepse vetëm në këtë mënyrë duke ngritur këto institucione ne mund të rrisim besimin e qytetarëve shqiptarë në sistemin e drejtësisë. Ne nuk mund të rrisim asnjëherë besimin e shqiptarëve në institucionet e drejtësisë, nëse ne, klasa politike,  hapur, në mënyrë flagrante dhe arrogante do të bëjmë zgjedhje të gabuara. Zgjedhje të cilat në fakt nuk i kanë kushtuar asnjëherë klasës politike, sepse ne jemi koshient, besoj të gjithë kemi memorie politike, kostot asnjëherë nuk kanë qenë për politikën, por kostot kanë qenë për shqiptarët dhe ekonominë shqiptare. Shqiptarët janë shumë të brishtë, janë të lodhur nga kjo papërgjegjshmëri politike, nga kjo arrogancë politike, e cila me thënë të drejtën po na lodh dhe ne vetë, për mënyrën se si ajo sillet. Unë mendoj që ne duhet të jemi të drejtpërdrejt dhe ti rikthehemi institucioneve. Një bashkëbisedim institucional do të ishte dinjitoz edhe për klasën politike, por do të ishte dinjitoze edhe për të gjithë shoqërinë shqiptare, e cila kërkon ti rikthehet normalitetit.

Znj.Kryemadhi, ambasadori Donald Lu përveçse ka kërkuar që të respektohet Kushtetuta, në referimet e tij ai thotë se mbështet dhe rekomandimet e misionit të OPDAT dhe EURALIUS, që kërkon në fakt prokuror të përkohshëm të zgjedhur me shumicë të thjeshtë. Si e shikoni ju këtë qëndrim?

Si unë dhe z.Ambasador, z Ambasador është një nxitës i zbatimit të reformës në drejtësi. Unë jam politikane, por asnjëri nga ne nuk është jurist. Qoftë Euralius, qoftë OPDAT i kanë kthyer një përgjigje një deputeti të Kuvendit të Shqipërisë, nuk ka rëndësi se kush është ai, i cili mënyra se si ai e përdor vulën apo pozicionin që ka, është jo profesionale. Ajo çka dua të them është se EURALIUS dhe OPDAT janë konsultativ. Tani në këtë rast ne gjendemi përballë dy raporteve. Një të përgjigjes ndaj një deputeti, që përgjigjen mund ta ketë bërë ndoshta dhe një nga specialistët e EURALIUS dhe OPDAT, sepse edhe unë apo një deputet tjetër mund tu dërgoj një letër. Por ndërkohë kemi dhe një raport tjetër, po nga Këshilli i Monitorimit në Parlamentin e Shqipërisë që thotë që Kryeprokurori zgjidhet me 84 vota. Pra janë dy gjëra të ndryshme, të cilat larg nga njëra tjetra, pra në distancë, dhe mund të diskutojmë, hapim dhe prodhojmë debate politike e profesionale pafundësisht. Por një gjë e tillë ulet në tavolinë. EURALIUS dhe OPDAT mund të kërkoj të sqarojë Komisionin e Ligjeve, mund të sqarojë të gjithë ata deputetë të cilët nuk janë dakord, por ka një problem. Kushtetuta të cilën ne kemi miratuar me 140 vota në Parlament, Kushtetuta të cilën ne kemi miratuar me bekimin e Shteteve të Bashkuara të Amerikës dhe Bashkimin Europian nuk lejon interpretim nga asnjë njeri, as nga EURALIUS, as nga OPDATE dhe as nga Gjykata Kushtetuese. Kështu që kjo është shumë e qartë. Deputeti që i ka bërë kërkesën EURALIUS dhe OPDAT ose është treguar mendjelehtë, për të treguar që unë komunikoj me ndërkombëtarët, ose është treguar i lig për të përdorur këto dy institucione, ose është një lojë shumë e shëmtuar nga Rilindja dhe Qeveria për të përdorur segmente të caktuara të institucioneve që nuk janë të politizuara. Komisioni i Ligjeve nuk është institucion I Partisë Socialiste. Komisioni i Ligjeve është institucion i Parlamentit Shqiptar, i cili ka një kryesi që edhe rendin e ditës nuk e merr dot i vetëm kryetari, por merret në rakordim me nënkryetarët e grupit dhe sekretarin e grupit. Unë do të thosha që kemi të bëjmë me një nga këto artificat makiaveliste që gjen z.Rama për të zgjatur kohën dhe për të zgjatur agoninë dhe për të eleminuar sado pak makthin e situatës në të cilën ndodhet.

Znj. Kryemadhi, Ambasadori Lu tha dje se është gati pothuajse e vdekur mundësia që politikanë të fuqishëm të fusin duart në sistemin e drejtësisë dhe ta kontrollojnë atë. Ndërkohë një qëndrim që bie ndesh me frikën e madhe të opozitës, të z.Basha dhe tuajën, për të cilën ju mendoni se kryeministri Rama është shumë afër për të kapur drejtësinë. Doja komentin tuaj për këtë. Dhe pyetja e dytë lidhet me vendimin e djeshëm të gjykatës për sekuestrimin e pasaportës së ish-ministrit Tahiri. Ju si mendoni do të ketë një hetim më të thelluar për këtë çështje?

Rrëmbimi i Kryeprokurorit të Përgjithshëm, mënyra arrogante se si po veprohet nga mazhoranca tregon frikën që ka mazhoranca për çështjen Tahiri dhe kjo është një nga arsyet që po nxiton për të shkelur Kushtetutën në mënyrë të tillë. Nuk kam asnjë gjë personale me 7 emrat e kandidatëve. Problemi është te perceptimi dhe tek presioni, te përdorimi i dhunës politike, që ne jemi mësuar ta shikojmë, sepse zgjedhjet e 25 qershorit treguan qartazi se sa i aftë është Rama dhe klika e tij për të përdorur pushtetin dhe për të zaptuar, dhe për të intimiduar njerëzit. Çështja Tahiri është  një nga çështjet që e frikëson dhe e mban në mankth dhe në ankth jo vetëm Ramën, por të gjithë enturazhin e tij. Sepse asnjë nga ne, nuk e di se çfarë gjërash të tjera do vijnë më pas. Vetëm ai e di. Ne të gjithë aludojmë, themi dosja filani, dosja filani, por ai është nga njerëzit që e di më mirë se çfarë do ndodhi, qoftë me pastrimin e parave, qoftë me lëvizjet e familjarëve të tij me makinat e trafikantëve, qoftë me implikimin e strukturave të cilat kanë qenë enturazhi i tij, qoftë argëtues, apo politik, të cilët kanë qenë të përfshirë në trafiqe të ndryshme, apo dhe në situata korruptive dhe jolegjitime. Këto janë të gjitha pasojat, të cilat çështja Tahiri e fut në një rreth të errët Ramën dhe e bën jo stabil politikisht dhe mendërisht. Gjë në fakt këto pasoja nuk i ka Rama, por janë pasoja që i vuajnë shqiptarët dhe jeta e tyre e përditshme.

Duke u rikthyer te komenti i Ambasadorit që kanë vdekur mundësia që politikanët të kapin reformën në drejtësi, kjo është e vërtet, por akoma nuk ka vdekur, sepse përderisa kërkohet që të zgjidhet një Kryeprokuror me 36 vota, do të thotë që ka akoma politikanë, të cilët duan ta përdorin Reformën në Drejtësi për interesin e tyre. Unë mendoj që Ambasadori Lu është shumë I qartë në qëndrimet e tij përsa I përket ngritjes së SPAK dhe Byrosë së Hetimit, dhe e vlerësoj siç thashë përsëri, për punën e tij dhe për nxitjen që I bën klasës politike për të ecur përpara me Reformën në Drejtësi. Përse e them këtë? Ne të gjithë flasim për Prokurorin e Përgjithshëm, asnjë nuk flet për SPAK dhe Byronë e Hetimit. Këto janë dy institucionet, të cilat do ti japin fund njëherë e përgjithmonë edhe gjithë kësaj përbaltje që ne I bëjmë njëri-tjetrit në politikë, por për të mbyllur njëherë e përgjithmonë gjithë këtë situatë, e cila ka krijuar një lloj perceptimi, jo vetëm për mënyrën se si jetojnë shqiptarët, që për të zgjidhur një problem, duhet të trokasësh, duhet të korruptohesh, dhe të bën një person që pa bërë allishverishe, e ke të pamundur. Sepse edhe jeta politike është kthyer në një allishverish. Rëndom në këto 27 vjet ne kemi parë dreka dhe darka politike, të cilat përfundojnë me një marrëveshje. Ne nuk kemi parë asnjëherë marrëveshje politike, të cilët palët ulen në tavolinë, në institucione dhe të thonë që kjo është një marrëveshje politike, në bazë të principeve, vlerave dhe parimeve në të cilat mbështetet dhe ecet përpara. Unë mendoj që Reforma në Drejtësi, dhe përveçse Reformës në Drejtësi, edhe vetë jeta politike, edhe vetë klasa politike, do të fillojë të ofrojë dhe një sjellje tjetër për të cilën ne kemi nevojë.

Znj. Kryemadhi në këtë moment interpretimesh të ndryshme dhe ndasive të ndryshme, a nuk është koha që Presidenti I Republikës t’ju thërrasi ju, z.Basha dhe z.Rama në një tryezë të përbashkët. A keni folur për këtë çështje me bashkëshortin tuaj?

Për çështjen e reformës nuk kemi folur. Të jem e sinqertë, nuk më intereson fare se çfarë bën Presidenti i Republikës përsa I përket Reformës në Drejtësi. Presidentit të Republikës, Kushtetuta me 140 vota ja ka hequr të drejtën që të merret me këtë gjë. Unë mendoj që kjo është një sjellje e klasës politike, e cila duhet të ndryshojë sjelljen e saj, duke filluar nga mazhoranca e para. Kemi tre muaj që opozita e ngre çështjen e Prokurorit të Përgjithshëm dhe vetëm ditën që I mbaron mandati Prokurorit të Përgjithshëm kemi një të ashtuquajtur “ftesë” për bashkëpunim të z.Rama për z.Basha përsa i përket Prokurorit të Përgjithshëm, që edhe kjo ftesë është më shumë për të goditur besimin e z.Basha në opinionin publik, për të thënë që jo jam takuar, jo s’jam takuar, jo folën, jo s’folën, se sa ka sinqeritet për të zgjidhur çështjen e Prokurorit të Përgjithshëm. Nëse z.Rama do që të zgjedhi Prokurorin e Përgjithshëm në mënyrë legjitime dhe e ka të sinqertë zbatimin e Reformës në Drejtësi, pra që klasa politike të eci përpara, hajde të ulemi. Të ndryshojmë nenin për shoqërinë civile, meqënëse shoqëria civile për disa vite nuk është e gatshme të japi një kandidat për Këshillin e Lartë të Prokurorisë hajde ta ndryshojmë, për aq kohë sa ata ta mendojnë, për 5 vjet, për 10 vjet, apo 2 vjet të jetë shoqëria civile për të qenë pjesë e Reformës. Por ne nuk mund të presim shoqërinë civile derisa të jetë e gatshme për të na dhënë një kandidat për të ngritur Këshillin e Lartë të Prokurorisë. Kjo është edhe një nga arsyet që mbahet peng. Kështu që unë dua të them se nuk ka të bëjë Presidenti në këtë histori. Kjo është një zgjidhje e parlamentit shqiptar. Kushtetuta e ka bërë shumë të qartë. Thashë që Kushtetuta e 21-22 korrikut e vitit 2016, nuk ka lënë asnjë lloj interpretimi se si mund të zgjidhet ose se si mund të interpretohet qoftë prokurori, qoftë mënyra e ngritjes së institucioneve të tjera të drejtësisë. Kushtetuta e ka bërë shumë të qartë, prandaj kemi vendosur në kushtetutë data. Në asnjë vend të botës nuk kemi parë data në Kushtetutë. Vetëm Kushtetuta e Shqipërisë i ka datat. Ka data dhe ka afate. Vetëm ne kemi. Dhe këtë e kemi bërë për të hequr çdo lloj aludimi, apo çdo lloj interpretimi që mund ta bëjë dikush si të dojë. Ne ndryshuam 65% të Kushtetutës së Shqipërisë, s’ka bërë vaki në asnjë vend të botës edhe kjo. Në Shtetet e Bashkuara të Amerikës pas 30 vjetësh ndryshuan taksat. Ne ndryshojmë taksat çdo gjashtë muaj. Edhe ne e ndryshuam Kushtetutën 65%, e ndërruam për shkak se donte shoqëria civile, besoj se nuk i keni harruar protestat që bënte shoqëria civile jashtë parlamentit “duam Reformë në Drejtësi”. E bëmë Kushtetutën, e realizuam, tani shoqëria civile nuk është e gatshme që të zbatojmë reformën. Atëherë tërhiqu, lëre ta ngrenë institucionet. Prokuroria I ka gati kandidaturat e veta, bota akademike i ka gati kandidaturat e veta, dhe ndërkohë dhe Dhoma e Avokatisë I ka gati kandidaturat e veta. Hajde ta ngrejmë KLP-në, hajde të zgjedhim Kryeprokurorin, dhe hajde të ecim me të gjitha proceset e tjera të cilat janë shumë të rëndësishme dhe jetike. Sepse ne nuk mund të kemi një zhvillim ekonomik të Shqipërisë, nuk mund të kemi një stabilitet ekonomik, nuk mund të kemi një siguri të Shqipërisë dhe nuk mund të kemi punësim të të rinjve shqiptarë, nëse ne nuk do të kemi një Reformë në Drejtësi që funksionon, nuk do të kemi institucione që funksionojnë, dhe nuk do të kemi një klimë biznesi, e cila garantohet nga kjo Reformë në Drejtësi.

PD në deklaratën e pak minutave më parë, kryetari Basha ka lajmëruar protesta në rast se zgjidhet Prokurori I Përgjithshëm në mënyrë të njëanshme. A do ti bashkoheni ju protestave?

Ne patjetër që do ti bashkohemi, sepse unë nuk mendoj që jemi në një situatë që Shqipëria po lulëzon, pavarësisht se shqiptarët kanë filluar të kenë frikë si në kohën e komunizmit për të thënë të vërtetën se çfarë mendojnë. Dhe kjo duket shumë qartë, pavarësisht se uzurpimi I mediave, i editorialeve mediatike nga qeveria ka qenë shumë I madh. Do të shkojmë dhe drejt asaj. Por ne mund të shkojmë drejt protestave dhe ti nxjerrim njerëzit në rrugë, nëse ne nuk I bindim njerëzit që I kemi zhvilluar të gjitha etapat, që kemi ndjekur të gjitha rrugët demokratike dhe ligjore për t’ju treguar shqiptarëve që problemi nuk është opozita. Ne mund të kemi problem si opozitë, por kjo nuk do të thotë që ti të më heqësh të drejtën që unë të protestoj. As sheshet dhe as rrugët nuk janë të Edi Ramës, janë të shqiptarëve. Madje rrugët dhe sheshet janë më të bukura kur njerëzit protestojnë.

Anëtarët demokrat të Komisionit të Ligjeve nuk do të shkojnë sot në mbledhjen e sotme, anëtarët e LSI do ta bojkotojnë këtë mbledhje?

Anëtarët e LSI respektojnë Kushtetutën e Republikës së Shqipërisë, e cila është e miratuar me 140 vota dhe me bekimin e Shteteve të Bashkuara të Amerikës dhe Bashkimit Europian, që do të thotë që kandidatët për prokurorë të përgjithshëm I merr në intervistë vetëm Këshilli i Lartë I Prokurorisë, nuk i merr Ulsi Manja. Nëse Ulsi Manja do të zgjidhet Kryetar i Këshillit të Lartë të Prokurorisë, ne jemi shumë dakord, por kur të zgjidhet. Nuk e ka zgjedhur njeri atë, as atë dhe as kush është te komisioni I ligjeve. Komisioni i Ligjeve nuk mund të marri kurrë atributet e Këshillit të Lartë të Prokurorisë. Nëse përfaqësuesit e PS në Komisionin e Ligjeve janë Këshilli I Lartë I Prokurorisë, atëherë nuk më mbetet gjë tjetër veçse të them se Shqipëria është kthyer në diktaturë kriminale, e cila nuk është gjë tjetër veçse ata persona që janë atje, janë persona të cilët kanë marrë mandatin e deputetit me paratë  e drogës dhe krimit të organizuar.