Monika Kryemadhi: Fuqizimi ekonomik i gruas, prioritet i LSI. Të krijojmë vende pune e të zhdukim shpopullimin

Kryetarja e LSI, Monika Kryemadhi ka zhvilluar ditën e sotme një takim me gratë e Elbasanit.

Në fjalën e saj, Kryemadhi është shprehur se zhvillimi ekonomik i gruas shqiptare është një ndër prioritetet i LSI.

Më tej, Kryemadhi nënvizoi se Shqipëria ka nevojë që të ketë vende të reja pune e kështu të mund të zhduket shpopullimi i vendit.

“Fuqizimi i gruas, gur themeli për familjen. Duhet të ndalim shpopullimin e Shqipërisë. Programi ynë po përtypet përditë nga njerëzit.

Do krijojmë mundësinë e punësimit. Ekonomia që kemi duhet që të formalizohet. Elbasani meriton që të jetë një qytet, që të ketë shumë gjallëri”, tha Kryemadhi.