Monika Kryemadhi: Rezultatet e LSI do jenë surprizë

Monika Kryemadhi paralajmëroi sot për rezultate surprizë të LSI-së në zgjedhjet e 25 prillit.
“Jam shumë krenare që drejtoj LSI-në, për shkak se është një forcë që e ka themeluar Ilir Meta, por jo vetëm, por me shume të rinj e të reja që janë kontribues kryesor. Ata sot janë shtylla kryesore dhe vazhdojnë të japin kontribut të drejtpërdrejt jo vetëm në hartimin e programit por dhe artikulimin e programit.
Rezultatet e LSI-së do të jenë surprizë. Frika që njerëzit kanë prej Edi Ramës dhe menaxhimi që ai i bën situatave të krizave, që jo vetëm që nuk zgjidh kriza, por e rivendos krizë mbi krizën, i bën njerëzit që të shkojnë me vrap në qendrat e votimit dhe të votojnë kundër tij’.”, deklaroi Kryemadhi.