Noka ironi me Spiropalin: Kush ju bë grua Bilalit?!

Seanca e sotme plenare që në nisje shkaktoi përplasje mes PD-së dhe maxhoancës. Akuza pas akuzave, duket se ”gjakrat” u ndezën kur deputetja e PS, Elisa Spiropali, pyeti Lulzim Bashën se ku i gjeti 1 milion dollar për lobim në SHBA.

PD-ja nuk mbeti pas, pasi deputeti Flamur Noka me ironi ju drejtua Spiropalit se kush ju bë grua Bilalit në Amerikë, kush ju vu në krah.

“E thashë qëparë: Mos u merr me të mbyturin se ka rrezik e të mbyt! Kapeni, pyesni njëcikë, Bilalit kush ju bë grua në Amerikë, kush iu vu në krah, ku u gjetën ato para, merruni pak me Bilalin pastaj kaloni në gjëra të tjera?”, tha Noka nga vendi.

Deputeti i PD-së i referohej taksistit Bilal Shehu, i cili dyshohet se ka pranuar marrjen e 80 mijë dollarëve amerikanë nga kryeministri Rama për fotografinë me presidentin Obama.