Padia e Ballës për Bashën, Gjykata shtyn seancën

Gjykata e Tiranës shtyn për në 4 dhjetor seancën e shqyrtimit të padisë për “shpifje” të deputetit të Partisë Socialiste Taulant Balla kundër kryedemorkatit, Lulzim Basha.

Kërkesa për shtyrje u bë nga avokati i Ballës, i cili kërkoi që klienti i tij të ishte prezent në sallë për të dhënë shpjegime në lidhje me pretendimet e tij.

Ditën e sotme Balla nuk ishte në gjyq, për shkak të një angazhimi zyrtar në Gjermani. Në këtë padi, Balla pretendon se Basha ka shpifur në sallën e kuvendit kur lidhi emrin e tij me “Toyota yaris”.