Përcjellja për në banesën e fundit të policit, Balla: Përulje dhe nderim për Afrim Bunjakun

Ministri i Brendshëm, Taulant Balla dhe ministri për Evropën dhe Punët e Jashtme, Igli Hasani, morën pjesë sot në homazhet në nder të rreshterit të rënë në detyrë Afrim Bunjaku, të mbajtura në Vushtrri të Kosovës.

“Përulje dhe nderim për efektivin e Policisë së Kosovës, Afrim Bunjaku, i cili dha jetën në krye të detyrës”, shkroi Balla në një postim në rrjetet sociale, teksa ndau dhe foto nga homazhet e mbajtura në Samadregj, Vushtri, Kosovë.

Sot në Kosovë është ditë zie në nderim të efektivit të policisë Afrim Bunjaku, i cili mbeti i vrarë një ditë më parë në në veri të Mitrovicës pas një sulmi me armë zjarri nga një grup i armatosur serb.