Presidenti Meta kujton Dëshmorin e Albanologjisë, Milan Šufflay: Sakrifikoi jetën për të hedhur dritë mbi të vërtetën

Presidenti Ilir Meta ka kujtuar në 90-vjetorin e vrasjes, Dëshmorin e Albanologjisë, Milan Šufflay, i cili “sakrifikoi jetën për të hedhur dritë mbi të vërtetën e historisë dhe lashtësisë të shqiptarëve”.

“Një zemër kroate, që rrahu për Shqipërinë, u përjetësua si një urë e rëndësishme lidhëse dhe simbol i miqësisë tradicionale mes dy popujve tanë!”, shkruan Presidenti Meta.

Postimi i plotë i Presidentit Ilir Meta

Në 90-vjetorin e vrasjes së Tij brutale, nderojmë sot me mirënjohje kujtimin e paharruar dhe veprën e jashtëzakonshme të mikut të madh të kombit tonë, Dëshmorit të Albanologjisë, Milan Šufflay, i cili sakrifikoi jetën për të hedhur dritë mbi të vërtetën e historisë dhe lashtësisë të shqiptarëve.

Një zemër kroate, që rrahu për Shqipërinë, u përjetësua si një urë e rëndësishme lidhëse dhe simbol i miqësisë tradicionale mes dy popujve tanë! 🇦🇱❤️🇭🇷