Presidenti Meta në librarinë “Dukagjini” të Prishtinës

Presidenti Ilir Meta ka zhvilluar mbrëmjen e sotme një vizitë në librarinë “Dukagjini” në Prishtinë. Në këtë ambient Presidenti Meta është takuar me shumë të rinj dhe të reja. Në një postim në Facebook, Presidenti Ilir Meta thekson se ka konstatuar me kënaqësi interesin e madh të të rinjve në Prishtinë për librin dhe kulturën.
“Kënaqësi të vizitoja sot Librarinë “Dukagjini” në Prishtinë e të konstatoja një interes të madh për librin e leximin”,- shkruan Presidenti Meta.

Presidenti Ilir Meta ndodhet këto ditë në Kosovë, së bashku me familjen e tij. Dje, kreu i shtetit dhe familja e tij ishte në Bjeshkët e Rugovës nga ku u uroi shqiptarëve në Kosovë dhe në Shqipëri vitin e ri 2019.

Ndërsa sot, më herët, Presidenti Meta i shoqëruar nga bashkëshortja e tij, Monika Kryemadhi dhe tre fëmijët e tyre kanë vizituar Manastirin e Deçanit dhe Patriarkanën e Pejës, dy nga vendet

“Një vizitë mbresëlënëse në Manastirin e Deçanit dhe Patriarkanën e Pejës, dy monumente të trashëgimisë kulturore”,- shkruan Presidenti Ilir Meta në një postim në Facebook.